Төмөр замын салбарын нийт ахмадууд, төмөр замчиддаа XVII жарны "Тийн урвагч" хэмээх төмөр барс жилийн сар шинийн баярын мэндийг өргөн дэвшүүлье. Хэдхэн хоногийн дараагаар монгол түмэн, зон олон Та бид цас ханзарч урь орсон, цаглашгүй буяныг дэлгэрүүлэгч хаврын улирлын эхэн-МОНГОЛЫН ЦАГААН САР- төрт ёсны их баяртайгаа учран золгож, сар шинээ ёслол төгөлдөр угтах гэж байна.
            Улиран одож буй буурал жилээ Монгол-Оросын хувь-нийлүүпсэн УБТЗ нийгэмлэгийн жарны баярыг хоёр улсын төмөр замчид хамтдаа ажлын амжилт дүүрэн үдэж байгаа бол айлчлан ирж буй барс жилд Монгол Улсын төмөр замын тээврийн салбар дахь шинэ бүтээн байгуулалтыг бүтээлцэх бахдам үйлсийн эзэд болно гэдэгт итгэлтэй байна.
            Та бүхэндээ элгэн саднаараа эрүүл энх, аз жаргалтай байж, сайныг санаж сэдэж, сайхныг бүтээж тууриваж, сүлд хийморьтой, ажил үйлс өөдрөг бүтэмжтэй байхын өлзийтэй ерөөлийг өргөн дэвшүүлье.

      Монгол-Оросын хувь нийлүүлсэн нийгэмлэг “Улаанбааатар төмөр зам”-ын тулгын чулууг тулалцаж явсан үе үеийн төмөр замчиддаа, та бүхнээрээ уламжлуулан гэр бүлийнхэнд тань төмөр замаар үйлчлүүлэгч иргэд, байгууллага, хамт олонд түүхт 60 жилийн ойнхоо баярын мэндчилгээ өргөн дэвшүүлье. Улаанбаатар төмөр зам үүсэн байгуулагдсан цагаасаа эхлэн улс эх орныхоо хөгжил дэвшлийн түүчээ, Монгол Оросын ард түмний эвдрэшгүй ган бат найрамдал, үр бүтээлтэй хамтын ажиллагааны үлгэр жишээ болон өнөөдөртэй золголоо. Энэ бүхэн нь халуунд нь халж, хүйтэнд нь хөрсөн ч ачааны хүндийг үүрч, ажлын ихийг бүтээж ирсэн уламжлалтай төмөр замчид та бүхний минь хөдөлмөр зүтгэлийн үр дүн билээ. Биднийг өдий зэрэгт хүрэхэд тусламжийн өгөөмөр гараа сунгаж, сэтгэл, зүтгэл нэгтэй явсан Зөвлөлт Оросын анд нөхдийн дэмжлэг зүйрлэшгүй их байсныг онцлон тэмдэглэж байна. Монгол, Орос улсын Төр  засаг төмөр замын тээврийг хөгжүүлэхэд онцгой анхаарч ирсэн нь 60 жилийн түүх амжилт бүтээлээр арвин байхын тулгуур нөхцөл болж байлаа. Өнөөдөр хоёр орны төр засгуудын хөгжлийн талаархий суурийг олсон билээ. Шинээр эхлүүлж байгаа жарны маань түүхэн хуудас дэлхийн дэвшилтэт технологи нэвтэрсэн, олон улсын төмөр замын сүлжээнд байр сууриа бэхжүүлсэн, амжилт бүтээл, бүтээн байгуулалтаар дүүрэн байх болно гэдэгт УБТЗ-ын хамт олон бид итгэлтэй байна. Дуугарвал дуу нэг дугтарвал хүч нэг төмөр замчдын минь юу санасан есөн цагаан хүсэл тань сэтгэлчлэн бүтэж, байхын өлзийн дэмбэрэлтэй ерөөлийг өргөн дэвшүүлье.