Төмөр замын дохиоллын журмаар галт тэрэгний хөдөлгөөн ба сэлгээний ажлын үеийн үзэгдэх болон дуут дохионы тогтолцоо, эдгээр дохиог өгдөг хэрэгслийн хэв маягийг тодорхойлж, тэдгээрийг ашиглах үйл ажиллагааг зохицуулна.

Галт тэрэгний хөдөлгөөний удирдлагын журам нь төмөр замын тээврийн тухай Монгол улсын хууль, төмөр замын техник ашиглалтын дүрэм болон дохиоллын журмын заалтыг хэрэгжүүлэхэд оршино.

Төмөр замын техник ашиглалтын дүрмийн зорилго нь төмөр замын тээврийн тухай хууль тогтоомжийг хэрэгжүүлж, төмөр замын байгууламж, техник тоног төхөөрөмж, хөдлөх бүрэлдэхүүний үндсэн хэмжээ болон тэдгээрийн ашиглалт, засвар, үйлчилгээнд тавигдах шаардлага, галт тэрэгний хөдөлгөөнийг зохион байгуулах дэг горим, дохиоллын зарчим, төмөр замын ажилтны ажиллах журмыг тогтооход оршино.