УБТЗ-н Хөдөлмөр хамгааллын цахим хуудсанд зочилсонд баярлалаа.

2010 оны 01-р сарын 04 өдөр

Дугаар А-01

            УБ хот 2010 оны зорилт дэвшүүлэн хэрэгжүүлэх тухай "Хөдөлмөрийн аюулгүй байдал, эрүүл ахуйн тухай хууль", Монгол улсын Засгийн газраас дэвшүүлсэн "Хөдөлмөрийн аюулгүй ажиллагаа, эрүүл ахуйн орчныг сайжруулах Үндэсний хөтөлбөр"-ийг хэрэгжүүлэх, хөдөлмөрийн аюулгүй байдал, ажлын байрны эрүүл ахуйг сайжруулах зорилгоор Монгол-Оросын хувь нийлүүлсэн "Улаанбаатар төмөр зам" нийгэмлэгийн дүрмийн 22 дугаар зүйлийн "а" заалтыг үндэслэн ТУШААХ НЬ:

Нэг. Улаанбаатар төмөр замын хэмжээнд 2010 оныг "Хөдөлмөрийн аюулгүй байдлыг сайжруулах жил" болгон зарласугай.

Хоёр. Энэхүү тушаал гарсантай холбогдуулан УБТЗ-ын хэмжээнд хөдөлмөрийн аюулгүй ажиллагаа, эрүүл ахуйн орчныг сайжруулах, нэгдсэн төлөвлөгөө боловсруулан батлуулж, хэрэгжилтийг ханган биелэлтэд хяналт тавьж ажиллахыг Замын ерөнхий инженер /Г.Сэрээнэндорж/-д үүрэг болгосугай.

Гурав. Төмөр замын тээврийн тасралтгүй хэвийн ажиллагаа, хөдөлмөрийн аюулгүй байдал, төлөвлөгөөт зорилтын биелэлтийг хангахын тулд төмөр замчдад технологийн мөрдөлт, аюулгүй байдлын дүрэмч ажиллагааг хэвшүүлж, сахилга батыг чанд сахиулах зохион байгуулалтын арга хэмжээг иж бүрнээр авч хэрэгжүүлэхийг алба, хэлтэс, тасаг, төв, салбар нэгжийн дарга нарт даалгасугай.

Дөрөв. Хөдөлмөрийн аюулгүй ажиллагаа, хувийн аюулгүй байдлаа ханган осол, зөрчлөөс байнга урьдчилан сэргийлж, өндөр бүтээлтэй ажиллахыг нийт төмөр замчдад уриалсугай.

ДАРГА В.ОТГОНДЭМБЭРЭЛ